Kod yozishdan ko‘ra, kodni tushunish qiyinroq
15 Avgust, 2025 24
Ko‘pchilik dasturchilar ish boshlaganda birinchi o‘ylaydigan narsa — tezroq kod yozish. Ammo vaqt o‘tishi bilan bilasizki, haqiqiy qiyinchilik kod yozish emas, balki uni yillar o‘tgach ham tushunish.
Nega bu muhim?
- Kodingizni sizdan boshqa odam ham o‘qiydi.
- O‘zingiz yozgan kodga 3 oy o‘tgach qaytsangiz, u sizga notanish bo‘lib tuyulishi mumkin.
- Tushunarsiz kod — loyihaning eng katta texnik qarzlaridan biri.
Nimalarga e’tibor berish kerak?
- Nomlash aniq bo‘lsin — x, y o‘rniga ma’noli nomlar ishlating.
- Kommentariya ortiqcha bo‘lmasin — Kodni o‘zi tushunarli bo‘lishi kerak.
- Kichik funksiyalar — Bir funksiya faqat bitta vazifani bajarsin.
- Kod tartibi — Bir xil standartdan foydalaning (masalan, PEP8).
Yakuniy fikr
Tez yozilgan kod tez eskiradi.
Tushunarli yozilgan kod esa loyihani yillar davomida tirik ushlab turadi.